النصب و الأحتيال

أشكال النصب كتيره و كل شويه النصابين بيطوروا في أساليبهم بس مع كل ده بلاقي ان فيه



طرق بتفضل زي ماهي و مهما ناس قبلنا اتنصب عليهم بيها بيجي ناس تانيه و يقعوا في



نفس المشكله





زي مثلا حاجه سمعنا عنها من فتره كبيره اسمها توليد الدولارات و الحقيقه مش متخيل





ازاي حد عاقل و متعلم يصدق حاجه بالشكل ده





معقوله الطمع يوصل بالناس انهم يصدقوا ان الفلوس ممكن تولد فلوس؟





من فتره ظهرت الحكايه دي و للأسف اللي اتضحك عليهم من الموضوع ده مش جهله يعني





ناس رجال أعمال و ناجحين





ازاي يصدقوا ان الدولارات تولد دولارات؟





حتي لو النصابين دول عملوا كده قدامهم





مايفكروش و لو لثانيه واحده ان ده كله نصب في نصب؟







تمام زي شركات توظيف الأموال اللي سمعنا عنها من كذا سنه ايام الريان و السعد و





اخواتهم





لما طلعوا نصابين قلنا الناس بعد كده حتاخد بالها





للأسف ده مابيحصلش و لحد دلوقتي بشوف في صفحه الحوادث ناس بتبيبع اللي وراها و





اللي قدامها و تروح تديها لحد بيقولهم حيوظفهلهم و يديهم 200 في الميه أرباح





بالذمه ده كلام يخش المخ؟و المصيبه انهم ساعات الحاجات ديه طابع ديني عشان





الناس تطمن و تديهم فلوسها عشان عارفين ان الناس لسه عندها هس هس من موضوع





شهادات الأستثمار و خصوصا بعد انتشار الفتاوي التيك أواي بتاعت مشايخ الفضائيات







لسه كنت بتفرج علي مسلسل و شوفت الممثل فيه بيقول لمراته انه حيدي 30 ألف جنيه





لواحده عشان فيه كنز و حيكون له نصيب فيه





لسه لحد دلوقتي فيه برضه ناس مؤمنه بوجود حاجه اسمها كنز؟





قيسوا علي كده بقه شبابنا اللي بيبيع اللي وراه و اللي قدامه عشان يسافر ايطاليا بالطرق





الغير شرعيه



يعني مثلا كان فيه واحد من دول طلع في البيت بيتك قال انه لم حوالي 70 ألف جنيه و اداهم



للسماسره دول



طب يعني بالسبعين ألف جنيه دي ماكانش يعرف يعمل مشروع في بلده بدل مايديهم لواحد



في حاجه مش مضمونه؟





ياتري الناس اللي بتنصب دي ايه اللي بيساعدها في كده و الناس اللي بيتنصب عليها





مابتتعظش ليه من الناس اللي قبلها؟