أضواء علي الأحداث

الأعلامي عمرو أديب كان بيتكلم علي موضوع كافييه حنان ترك المسمي بصبايا كافييه

مستمعات كتيره أتصلوا بيه واحده منهم قالتله انها توجهت هي واختها للكوافير الملحق بالكافييه عشان يعملوا شعرهم












و هناك قالولها احنا ممكن نعمل شعر اختك عشان محجبه لكن انتي نظرا لأنك مش محجبه مش حنعملك شعرك ممكن










نعملك باديكيير لكن














مش حنقدر نعملك شعرك عشان انتي لما حتخرجي بشعرك كده ممكن تفتني الرجاله في الشارع










المهم عمرو أديب توجه للمستمعه و قالها حطلب منك طلب عمري ماطلبته من حد من المتصلات ممكن تحلفي ان الكلام ده حقيقي










قالتله و الله العظيم و حياه الكعبه اللي لمستها ان كلامي حقيقي










اتصل عمرو بالفنانه حنان ترك و كان بيستفسر عن الموضوع ده










قالتله حنان طبعا لا اساس له من الصحه










طبعا مش معقوله يعني اللي راحوا الكافييه و قالوا ان ده حصل فعلا حيكون ليهم غرض من ورا انهم يكدبوا لكن الفنانه حنان ترك يهمها ان


















الكافييه بتاعها مايتقفلش لو فعلا الموضوع ده صح عشان كده لجأت للكدب عشان تسوق الكافييه بتاعها












ياريت لو هي فعلا بتدافع عن قضيه معينه تكون صادقه و جريئه انها ماتخافش و كانت تقول ايوه ياجماعه انا عامله الكوافير عشان












المحجبات المسلمات فقط لكن ازاي تقول حاجه زي كده و تجنن الناس عليها تلجأ للكدب عشان تبرر موقفها


















تمام زي الفتاوي الغريبه بتاعت الرشاوي اللي بتطلع من ناس ماقدرش اقول عليهم رجال دين تقولك الفتوي من دول ذنب الرشوي علي اللي














بياخدها طب و اللي بيديها؟مالوش يعني عليه ذنب؟ماساعدش صاحب الرشوي انه ياخدها ؟لأ يرد الشيخ من دول يقولك ده كان مضطر و












المضطر يركب الصعب














فيه ناس ترد عليا و تقولي فيه اماكن بيمنعوا دخول المحجبات فيها لو نظرنا علي الأماكن ديه حنلاقي انها ممكن تكون بتقدم خمور و اظن










انها ليست بالمكان المناسب لتواجد المحجبات الا لو كن من محبيها












يمكن أصحاب الأماكن ديه بيحموا المحجبات من متعاطي الخمور


















قريت في مقاله حاجه حتؤدي لكارثه لو فعلا حصلت














و هو في قرار المحكمه الاداريه العليا في قضيه العائدين للمسيحيه












اوكي اقروا بحق المتحول دينيا بالتحول و لكن مع ذكر ديانته الحاليه و السابقه في الأوراق الرسميه بما فيها بطاقه الرقم القومي












يعني مثلا يكتبوا لواحد في البطاقه مسلم سابق مسيحي حاليا










مش بذمه ده بيساعد علي الفتنه و لا هما عايزين كده؟










و ايه وجه الاستفاده من كتابه حاجه زي كده؟










العمليه مش ناقصه وجود قنابل موقوته زي ديه و لا انتم ايه رأيكم؟